Bitte Lüg Mi A

Kei Angscht - ich frög dich nöd
Woher du chunsch - ich ha nüt ghört
Weiss nöd wo du gsii bisch - mit wem und wieso
Egal - ich freu mi bisch cho

Kei Angscht - ich quäl dich nöd
Erwart vo dir doch ken Rosestruss
Ich ha nöd gwartet ha d'Stunde nöd zellt
Mini Uhr goht eh e Stund vorus

Mir sind jung - und chli wild- ufre grosse Reis
Verzell mer doch öppis woni nonig weiss

Bitte lüg mi a
Demit ich schlofe cha
Säg: das mit üs isch für immer
Versprich mer's Blaui vom Himmel
Hüt Nacht lohn i mi
Uf jedi Räubergschicht i
Niemer weiss was morn wird si
Bitte lüg mi a
Demit ich besser schlofe cha

Kei Angscht - ich nimm nöd meh
Als du mir im Moment chasch geh
Ich fang nöd mit Gschichte vo vorgeschter a
Ich läb hüt - und du bisch jezt da

Kei Angscht - ich gib nöd vill
Uf die Stimm wo mi tüsche will
Will dir nöd vorem Glück sta
Und wänns dänn sii muess denn loh di(morn) ga

Bitte lüg mi a ...

D'Sunne chunnt und d'Sunne goht
Niemert weiss wo er morn staht
Isch es für immer - isch es wiit
Niemert weiss öb im März de Schnee no liit

Bitte lüg mi a

Kommentare z